21 лютага, у  Міжнародны дзень роднай мовы, на нашым факультэце адбылося прыгожае свята, якое сабрала выкладчыкаў і студэнтаў.  Цікавыя мерапрыемствы на факультэце пачаліся ад рання. Самая вялікая аўдыторыя ледзь змясціла ахвотнікаў пісаць дыктоўку па беларускай мове – акцыя аб’яднала ўсіх, хто любіць і шануе мову Айчыны.

Студэнты-журналісты разам са студэнтамі розных  нацыянальнасцяў удзельнічалі ў акцыі “Роднае слова з вуснаў ліецца”, падрыхтаванай супрацоўнікамі навуковай бібліятэкі ГрДУ. Чыталі вершы і пелі на беларускай, туркменскай, кітайскай і ўкраінскай мовах, а журналісты нават сталі ўдзельнікамі майстар-класу па вывучэнні туркменскай мовы.

Доцент кафедры журналистики, член Союза фотографов Беларуси С.П. Морозов изготовил видеофильм «Ночной трафик Гродно в технике гиперлапс с дрона». Над этим проектом он работал в течение полумесяца, снимая наш город с ипользованием новых технических возможностей – квадрокоптера.

У гэты дзень студэнты-купалаўцы разам з выкладчыкамі і супрацоўнікамі ГрДУ імя Янкі Купалы адначасова ва ўсіх карпусах універсітэта змаглі напісаць адмысловы дыктант і праверыць сваё веданне беларускай мовы.

Дыктоўка распачалася адначасова ва ўсіх карпусах універсітэта з відэазвароту рэктара Гродзенскага дзяржаўнага ўніверсітэта імя Янкі Купалы Ірыны Кітурка.

– У гэты дзень я хачу прапанаваць закласці новую традыцыю і напісаць дыктоўку на нашай роднай, мілагучнай, старажытнай, гасціннай, патрыятычнай, незалежнай беларускай мове, – сардэчна запрасіла ўсіх купалаўцаў Ірына Фёдараўна. – Я жадаю, каб вы неслі яе ў сваім сэрцы кожны дзень!

Студэнты спецыяльнасці “Турызм і гасціннасць, а таксама магістранты спецыяльнасці «Культурная спадчына і турызм” у суправаджэнні старшага выкладчыка кафедры турызма і культурнай спадчыны Жылко У.А. у межах дзейнасці студэнцкага навуковага гуртка “Рэгіянальнай культуры і турызма” наведалі часовую выставу “Сакральная спадчына Панямоння”.

Студэнты спецыяльнасці “Турызм і гасціннасць” прынялі ўдзел у гульні-віктарыне “Займальная эканоміка ў турызме”, падрыхтаванай старшым выкладчыкам кафедры турызма і культурнай спадчыны Жылко У.А. у межах кіруемай самастойнай работы па вучэбнай дысцыпліне “Знешнеэканамічная дзейнасць у індустрыі турызма і гасціннасці”. У забаўляльнай форме студэнты ўзгадалі, хто з’яўляецца рэкламным агентам балота, якая казка дэманструе эфектыўнасць калектыўнай працы, успомнілі “гандлёвае” прозвішча тургенеўскага героя.