Супрацоўніцтва з Воранаўскім раёнам ў дзеянні

5 лістапада у Воранаўскім раённым Цэнтры культуры і народнай творчасці адбыўся літаратурна-краязнаўчы форум «Воранаўскія чытанні».

На ім прынялі ўдзел настаўнікі і вучні воранаўскіх школ, якія займаюцца краязнаўствам. Актыўны ўдзел у форму ўзялі выкладчыкі нашага ўніверсітэта, у тым ліку А.К. Гецэвіч, С.У. Амелька і В.Р. Карнялюк. Спачатку выкладчыкі выступілі з навуковымі дакладамі перад шырокай аудыторыяй удзельнікаў форума, якая ўключала, акрамя вучняў і настаўнікаў, супрацоўнікаў “Воранаўскай газеты”, раёнага цэнтра народнай творчасці, отдела турызму, раёнай бібліятэкі, кіраўнікоў калгасаў і прамысловых прадпрыемстваў Воранаўшчыны. Сярод удзельнікаў форуму былі і госці з Ніжняга Ноўгарада.

Спецыяльна запрошаным госцем форуму стаў вядомы краязнаўца, журналіст і выдавец, старшыня пісьменніцкай арганізацыі Беларусі А.М. Карлюкевіч. Яго выступ быў прысвечаны перакладчыку паэмы А.Міцкевіча “Пан Тадэвуш” – Пятру Бітэлю – ураджэнцу Воранаўшчыны.

Выкладчыкі факультэта гісторыі камунікацыі і турызму пазнаёмілі прысутных з праблемамі даследавання розных старонак гісторыі Воранаўшчыны і напрамкам развіцця турызму ў раёне. Далей, у якасці старшыняў журы, В.Р. Карнялюк і С.У. Амелька прынялі ўдзел у рабоце краязнаўчых секцый і пазнаёміліся з яскравымі выступамі вучняў. Безумоўна вучняў-даследчыкаў запрасілі на спецыяльнасці нашага факультэта.

Форум на Воранаўшчыне – сапраўднае свята краязнаўства, якое ладзілася другі раз пасля 2023 г. і запланавана  на 2027 г. год у чарговы раз.