Гісторыка-культурная спадчына Беларусі: вывучэнне і захаванне
Дацэнт кафедры гісторыі Беларусі, археалогіі і спецыяльных гістарычных дысцыплін прыняў удзел у Рэспубліканскай навуковай канферэнцыі прысвечанай 80-годдзю БрДУ імя А.С. Пушкіна.
27-28 сакавіка 2025 г. адбылася Рэспубліканская навуковая канферэнцыя “Гісторыка-культурная спадчына Беларусі: вывучэнне і захаванне”, прысвечаная 80-годдзю Брэсцкага дзяржаўнага ўніверсітэта імя А.С. Пушкіна. У рабоце дадзенага мерапрыемства ў якасці сябра арганізацыйнага камітэта і дакладчыка на пленарным паседжанні прыняў удзел дацэнт кафедры гісторыі Беларусі, археалогіі і спецыяльных гістарычных дысцыплін, кандыдат гістарычных навук Гаршкоў А.Д. У сваім выступе Аляксандр Дзмітрыевіч прадставіў новыя даныя аб культурна-храналагічнай прыналежнасці помніка Кавальцы 1 (Гродзенскі раён), якія былі атрыманы ў выніку даследаванняў, праведзеных у 2024 г. у рамках работы Студэнцкай навукова-даследчай археалагічнай лабараторыі і гранта БРФФД Навука-М “Палеаэканамічныя аспекты жыццядзейнасці паляўнічых-збіральнікаў фінальнага палеаліту ў міжрэччы Заходняга Буга, Прыпяці і Нёмана”.
