Новыя ўражанні студэнтаў з Аўгустоўскага краю
Традыцыйная чарада вучэбных практык, звязаных з актыўным турызмам, дайшла да студэнтаў 1 курса спецыяльнасці “Турызм і гасціннсць” завочнай формы навучання. Хай і невялікі, але прафесійны досвед часткі студэнтаў-практыкантаў, адчуваўся выразна. Гэта было бачна ад арганізацыі імі рэгулярнага снедання, нарыхтоўцы дроў, агульным настроі на магчымыя выпрабаванні палявых умоў.
А рекрэацыя даліны р. Асташанка чарговы раз гасцінна сустрэла нашых студэнтаў. Усталяванне намётаў, распальванне вогнішча і прыгатаванне ежы, спартыўныя гульні, экскурсія на шлюз “Нямнова” і пазнейшая – на Навумавіцкі форт Гродзенскай крэпасці, гутаркі амаль да ранніцы ля вогнішча – усё гэта спалучылася ў змест вучэбнай практыкі для студэнтаў-завочнікаў пад кіраўніцтвам выкладчыкаў кафедры турызму і культурнай спадчыны Грыгарчука Р.С. і Карнелюка В.Р.
