На вёслах па Аўгустоўскаму каналу
На гэтым тыдні адбылася вучэбная практыка “Водны паход” для студэнтаў-завочнікаў 2 курса спецыяльнасці “Турызм і гасціннасць”. У ходзе яе студэнты разам з выкладчыкамі - Тарасавым В.І., Грыгарчуком Р.С. і Карнялюком В.Р. - прайшлі на вёслах па маршруту “Рака Асташанка - рака Нёман – Аўгустоўскі канал – рака Асташанка”.
Агульны працяг не вельмі вялікі – 9 км. Але станоўчых уражанняў ад паходу шмат. Для большасці студэнтаў – гэта быў першы вопыт воднага турызму, і усё што звязана з тэхнікай байдарачнага сплаву было сапраўдным адкрыццём. Да гэтага варта дадаць уражанні ад самой акваторыі рэк і каналу, фантастычных краявідаў прыроды Гродзенскай пушчы, па якой ішоў паход, і, зразумела, камунікацыі падчас вандроўкі. Да станоўчых бакоў практыкі варта дадаць гасціннасць турбазы “Нямнова-тур” і смачную ежу на вогнішчы, без якой не можа быць сапраўднага паходу.
