«Аўгустоўскі канал – гісторыя, якая стала легендай»
У рамках святкавання 200-годдзя пачатку будаўніцтва Аўгустоўскага канала - унікальнай гідратэхнічнай канструкцыі першай трэці ХІХ ст., 21 мая 2024 года ў раёне в. Нямнова прайшоў маладзежны турысцка-спартыўны злёт «Аўгустоўскі канал – гісторыя, якая стала легендай» прысвечаны гераізму абаронцаў Аўгустоўскага канала і беларускай зямлі ад германскай агрэсіі ў гады Першай і Другой сусветных войнаў. Гісторыка-культурнае, прыроднае і этнічнае багацце Аўгустоўскага краю - неабсяжная магчымасць для патрыятычнага выхавання нашых вучняў і студэнтаў.
Некалькі каманд розных спецыяльнасцей факультэта гісторыі, камунікацыі і турызму, а таксама каманда юрыдычнага факультэта падчас злёту-квесту паспрабавалі адказаць на дзесяткі пытанняў звязанных з гісторыяй, культурай і прыродным багаццем Аўгустоўскага края.
Пасля ўдалага праходжэння квэсту, капітаны каманд спаборнічалі ў індывідуальных конкурсах, якія патрабавалі ад іх як інтэлектуальных, так і фізічных намаганняў. У выніку вызначыліся пераможцы - каманда студэнтаў спецыяльнасці “Турызм і гасціннасць”.
Турыстычны злёт-квэст быў арганізаваны кафедрай турызму і культурнай спадчыны, якой садзейнічалі спартыўны клуб ГрДУ імя Я. Купалы і У. Мандзік (БРСМ), прадпрыемства “Нямнова-Тур”. Дзейнай у арганізацыі злёта стала роля студэнтаў спецыяльнасці “Турызм і гасціннасць”: І. Дамастой, Ю. Кавергі, М. Станчык (студэнтаў трэцяга курса) і ўсіх студэнтаў-“турыстаў” першага курса. Для апошніх дапамога ў арганізацыі турыстычнага злёту стала першай справай ў рамках вучэбнай практыкі “Турысцка-аздараўляльны паход”.
