Знаёмства са Св. Максіміліянам Кольбэ
17 лістапада студэнты 2 курса спецыяльнасці «Турызм і гасціннасць» і некалькі дапытлівых дзяўчат-першакурсніц ў ходзе экскурсіі айца-францысканца Паўла пазнаёміліся з постаццю Св. Максіміляна Кольбэ. Жыццё, дзейнасць і подзвіг у гады Другой Сусветнай вайны а. Максіміляна прадстаўлены на вялікай колькасці інфармацыйных стэндаў ва ўнутраным дворыку гродзенскага касцёла Святой Маці Божай Анёльскай ордэна францысканцаў.
Студэнты даведаліся пра падзвіжніцкі лад жыцця і абставіны гераічнага ўчынку гэтага пробашча касцёла ў Асвенцыму. Таксама юнакам быў прадстаўлены сам касцёл: яго архітэктурнае хараство, рэлігійны змест интэр'ера, старонкі гісторыі. Паколькі месца францысканскага касцёла ў гродзенскай гісторыі адметнае, знаёмства з ім — важны элемент авалодання будучымі спецыялістамі турыстычнай індустрыі прафесійнымі кампетэнцыямі, сярод якіх — дасведчанасць у гісторыі культуры краіны.
