Гродна пачынаецца з Каложы
Насамрэч знаёмства з мінуўшчынай горада, у якім пачалося студэнцкае жыццё, першакурскікі спецыяльнасці “Турызм і гасціннасць” распачалі разам з дацэнтам кафедры турызму і культурнай спадчыны Карнелюком В.Р. са знаёмства з гродзенскай вялікай харальнай сінагогай. Толькі здымкаў, нажаль, не засталося…
А сёння, 22 верасня, працягам такога знаёмства для студэнтаў 1 курса стала векапомная Каложа. Яе гісторыя і сучаснасць, турыстычны патэнцыял, вонкавыя і ўнутранные адметнасці архітэктурнага аблічча дазволілі камусьці скласці, а камусьці пашырыць сваё ўяўленне аб гэтым храме.
Феномен гродзенскай школы дойлідства, валуны з паганскага капішча, знакі на плінфе, памяць Каложы пра Грунвальд і Давыда Гарадзенскага, спуск і ўздым па каменнай старадаўняй лесвіцы – усё гэта складае тое сакральнае пачуцце гродзенскага Барысаглебскага храма, якое важна адчуць, каб потым даносіць турыстам.
