Новы маршрут вучэбнай практыкі
13 верасня студэнты скарочанай дыстанцыйнай формы навучання спецыяльнасці «Турызм і гасціннасць» пад кіраўніцтвам выкладчыкаў кафедры турызму і культурнай спадчыны Рамана Грыгарчука і Віталія Карнелюка ў рамках вучэбнай практыкі па спартыўна-турыстычнаму паходу ажыццявілі пешую вандроўку па маршруту Гудзевічы — Вялікія Эйсманты- Лаша.
У ходзе вандроўкі студэнты пазнаёміліся з гісторыяй в. Гудзевічы, наведалі знакаміты Гудзевічскі дзяржаўны літаратурна-краязнаўчы музей, магілу А.М. Белакоза, сустрэліся з народным майстрам па падвойнаму ткацтву Верай Ігнатаўнай Белакоз, наведалі касцёл Св. Яна Непамука ў В. Эйсмантах. Незабыўныя краявіды беларускай прыроды, фарбы ранняй восені і добры настрой склалі пазітыўную атмасферу паходу.
Фінальным этапам актыўнай часткі практыкі стала наведванне в. Лаша — бацькаўшчыны заснавальніка беларускага мовазнаўства, акадэміка Я.Ф. Карскага і знакамітай падпольшчыцы В. Соламавай. Адкрыццё сваёй краіны — неад’емны элемент адукацыйнага працэсу студэнтаў нашага факультэта.
