Студэнты-гісторыкі прынялі ўдзел у раскопках гарадзішча Старажытны Менск

Студэнты 1 курса спецыяльнасці "Гісторыя (археалогія)" разам з дацэнтам кафедры гісторыі Беларусі, археалогіі і спецыяльных гістарычных дысцыплін Аляксеем Загідуліным у межах археалагічнай практыкі паўдзельнічалі ў маштабных раскопках на гарадзішчы р. Менка. Менавіта тут па адной з версій знаходзіўся старажытны Менск, спалены ў 1067 г. братамі Яраславічамі перад бітвай на Нямізе. У раскопках, якімі кіруе Інстытут гісторыі Акадэміі Навук Беларусі, прымаюць удзел таксама студэнты-гісторыкі БДУ, БДПУ імя М. Танка,  ПДУ імя Ефрасінні Полацкай, ВДУ імя П. Машэрава, ГДУ імя Ф. Скарыны і БрДУ імя А. Пушкіна.