Яшчэ адна старонка памяці Гродна

Дадзеныя пра гераічнае гродзенскае падполле, якое складалася з шасці груп, гарадскія ўлады  афіцыйна паццвердзілі толькі ў 1981 г. А ў 2008 г. на базе Сярэдняй школы №35 г. Гродна, дзякуючы намаганням настаўніцы і краязнаўцы Раісы Дзмітрыеўны Прохаравай  адкрыўся Музей гродзенскага падполля. Цяпер пра  гродзенскіх змагароў з фашызмам можна будзе даведацца нашмат больш.

 

А сёння, 27 снежня 2022 г.,  у юбілейны год гродзенскай чыгункі (былой Пецяпбургска-Варшаўскай), зноў па ініцыятве  Р.Д. Прохаравай, і пры дзейнай падтрымцы адміністрацыі Гродзенскага чыгуначнага вакзала была ўрачыста адкрыта дошка  ў памяць  тых  падпольшчыкаў, якія змагаліся з акупантамі з 1941 па 1944 гг. на гродзенскай чыгунцы.  Аўтар дошкі — вядомы гродзенскі скульптар Сяргей Більдзюк. У  цырымоніі адкрыцця дошкі прынялі ўдзел студэнты 1 курса спецыяльнасці «Турызм і гасціннасць» разам з В. Карнялюком.