Краязнаўчая гульня "Мой Гродна"

 25  лістапада    кафедра  турызму і культурнай спадчыны сумесна  са студэнцкім  прафсаюзным камітэтам універсітэта распачала падрыхтоўку вучняў  школ горада Гродна да  чарговай, 26-й гарадской  краязнаўчай гульні «Мой Гродна» (Я этим городом храним).

 

Важным элементам гэтай падрыхтоўкі  з’яўляюцца   заняткі са знатнымі гродзенскімі краязнаўцамі. Першая on-line сустрэча  была арганізавана з вядомым гродзенскім ваенным гісторыкам, краязнаўцам і настаўнікам гімназіі №4 г. Гродна Дзмітрыем Люцікам. На працягу  амаль двух гадзін  удзельнікі сустрэчы пазнаёміліся з вялікай колькасццю «дробязяў»   ваеннай гісторыі Гродна розных часоў.  Радуе, што  на сустрэчы  былі заўважаны і нашы студэнты турыстычнай спецыяльнсці. Бясспрэчна, такія  экскурсы ў мінуўшчыну і сучаснасць Гродна —  карысная магчымасць для  пашырэшння  эрудыцыі будучых тураператараў і экскурсаводаў.  Трэба адзначыць, што ўся сустрэча была запісана і будзе  магчыма для  наступнага прагляду на  старонцы  студэнцкага прафкаму.

Падобныя  сустрэчы плануецца  праводзіць штомесяц да  самой краязнаўчай гульні ў красавіку.