УДЗЕЛ ВЫКЛАДЧЫКАЎ КАФЕДРЫ ТУРЫЗМУ І КУЛЬТУРНАЙ СПАДЧЫНЫ Ў РЭСПУБЛІКАНСКІМ СЕМІНАРЫ
22 верасня выкладчыкі кафедры турызму і культурнай спадчыны Карнялюк В.Р. і Чувк С.В. прынялі ўдзел у рэспубліканскім семінары ДУ "Нацыянальнае агенства па турызму" – “Развіццё рэлігійнага турызму ў Гродзенскай вобласці”.
Тэма семінара – прэзентацыя распрацаванага Карнелюком В.Р. і Чувак С.В., па замове нацыянальнага агенства, новага турыстычнага маршрута “Святая радасць Беларусі: канфесійная Навагрудчына”. Падчас семінару яго ўдзельнікі - экскурсаводы, супрацоўнікі турыстычных фірм, адміністратары турыстычнай індустрыі Мінска, Гродна і Навагрудка і іншых рэгіёнаў краіны - наведалі Навагрудак, Любчу, Уселюб, Шчорсы, Лаўрышава, Мотчу, Гнесічы, Мір. У гэтых кутках Навагрудскага і Карэліцкага раёнаў удзельнікі семінара пазнаёміліся з разнастайнымі турыстычнымі прапановамі гісторыка-канфесійнай тэматыкі. У працэсе ўсяго выязнога семінара Карнялюк В.Р. і Чувак С.В. вялі экскурсію, такім чынам ажыццяўляючы апрабацыю новага турыстычнага прадукта. З кантрольным тэкстам экскурсіі можна будзе пазнаёміцца на сайце ДУ "Нацыянальнае агенства па турызму". Дадзеная экскурсійная распрацоўка – чарговая ў дзейнасці нашых супрацоўнікаў кафедры.
