МІЖНАРОДНЫ КРУГЛЫ СТОЛ ПА ПРАЕКТУ ПРАГРЫМЫ “ПОЛЬШЧА-БЕЛАРУСЬ-УКРАІНА 2014-2020”
10 верасня ў ГрДУ імя Янкі Купалы ў фармаце on-lineа дбыўся міжнародны круглы стол з удзелам выкладчыкаў і студэнтаў ГрДУ і Беластокскага ўніверсітэта. Круглы стол з’яўляецца часткаю рэалізацыі міжнароднага праекту «Захаванне гісторыка-культурнай спадчыны Элізы Ажэшкі і Людвіка Заменгофа ў Гроднаі Беластоку”, які рэалізуецца ў межах Праграмы трансгранічнага супрацоўніцтва Польшча-Беларусь-Украіна на 2014-2020 гг.
Тэмай круглага стала было “Эліза Ажэшка і Людвік Заменгоф: Памежжа і свет. Аспекты і меркаванні”. У сустрэчы з польскага боку прынялі ўдзел доктар габіт. А. Яніцкая, доктар габіт. В. Жэлязны, доктар Г. Давідовіч, магістр А. Кайданоўская, актывіст беластокскага таварыства эсперантыстаў Н. Петухоўская. З беларускага боку – арганізатарамі былі дэкан філалагічнага факультэта С.В. Ганчар, дацэнт А.П. Нялепка, дацэнт В.Р. Карнялюк. У сустрэчы прынялі ўдзел студэнты І курса спецыяльнасці “Турызм і гасціннасць” і студэнты-філолагі IV курса. Таксама прысутнічалі і бралі ўдзел ў дыскусіі супрацоўнікі кафедры польскай філалогіі дац. Ж. Буглак і магістр А. Шаўцова. Магчымасць віртуальна прысутнічаць на спатканні мелі і здейснілі і іншыя зацікаўленыя асобы.
Цягам двух с паловаю гадзін удзельнікі круглала стала знаёміліся з дакладамі і прэзентацыямі польскіх выступоўцаў, якія адлюстроўвалі розныя аспекты вывучэння і мемарыялізацыі жыцця і дзейнасці стваральніка мовы эсперанта Людвіка Заменгофа: “Беласток часоў Л. Заменгофа”, “Заменгоф – вядомы і невядомы”, “Мемарыялізацыя Л. Заменгофа: калекцыі Беластоцкага центра культуры”, “Прапаганда ідэй Л. Заменгофа у практыцы эсперантыстаў”.
На круглым стале былі прадстаўлены матэрыялы турыстычнага буклету, які ствараецца беластокскімі партнёрамі праекту. Змест буклету – мясціны Беластока і Гродна, звязаныя з Э. Ажэшкай і Л. Заменгофам.
Са зместам круглала стала ў запісы можна будзе ў хуткім часе азнаёміцца на адмысловым сайце-праекту.
Прадстаўнікі рабочай каманды праекта ГрДУ імя Янкі Купалы пазнаёмілі ўдзельнікаў круглала стала з ходам ажыцяўлення праекту і запрасілі на навуковую канферэнцыю, запланаваную на 22 кастрычніка бягучага года.
Здейсненая on-line міжнародная сустрэча – чарговая добрая нагода, якая сведчыць пра шматлікія сувязі, якія звязваюць Гродзеншчыну і Падляшша, Беларусь і Польшчу.
