Краязнаўчая гарадская гульня «Мой Гродна»
27 мая адбылася краязнаўчая гарадская гульня «Мой Гродна», у якой прыняла ўдзел 11 каманд школ і гімназій горада Гродна. Добрая традыцыя, пачатая 25 гадоў таму педагогам Таццянай Анатольеўнай Еўдакімівай і яе калегамі, адноўлена намаганнямі кафедры турызму культурнай спадчыны і прафкама студэнтаў нашага ўніверсітэта.
Пераможцамі гульні сталі каманды СШ №28 (1 месца), гімназіі №4 (2 месца) і гімназіі №1 імя акадэміка Я.Ф. Карскага г. Гродна (3 месца). Асобная ўдзячнасць за арганізацыю гульні Д.М. Трафімовіч, старшыні прафкама студэнтаў ГрДУ імя Янкі Купалы. У правядзенні гульні прынялі ўдзел таксама заснавальніца гульні Т.А. Еўдакімава, педагог і краязнаўца І.Р. Лапеха, дацэнт кафедры турызм і гасціннасць В.Р. Карнялюк, а таксама студэнты-валанцёры, сярод якіх студэнты спецыяльнасці «Турызм і гасціннасць» — Талсташэява Руслана, Алыцкі Ігнат, Баркоўская Карына, Вайтовіч Ульяна, Ерчык Дзяніс, Далгіх Марыя, Смолік Уладзіслаў.
Адноўленая традыцыя мусіць стаць добрым інтэлектуальным і выхаваўчым набыткам нашага факультэта, ўніверсітэта і ўсяго горада».