Глядзець страшна, але адарвацца немагчыма: кінапрагляд у межах пасяджэння кінаклуба “Кола”

25 лютага на факультэце гісторыі, камунікацыі і турызму адбылося першае ў гэтым годзе пасяджэнне факультэцкага кінаклуба “Кола”. Кінаклуб пазнаёміў студэнтаў і выкладчыкаў з шэдэўрам сусветнага кіно – стужкай “Рэквіем па мары” ў беларускамоўнай агучцы.   Рэжысёр фільма Дарэн Аранофскі змушае паглыбіцца ў самую сутнасць чалавечага быцця. Таблеткі, сродкі для пахудзення, парашкі,  таксама тэлевізар могуць стаць аб’ектамі пажадлівасці, выклікаць прывыканне і прывесці да страшнай дэфармацыі ўнутранага свету. Фільм атрымаў мноства ўзнагарод фестываляў і супольнасцяў кінакрытыкаў.

 

Пасяджэнне клуба ўключае абмеркаванне праблематыкі і мастацка-эстэтычнай спецыфікі фільма. Удзельнікі прагляду актыўна дзяліліся сваімі пачуццямі, эмоцыямі і думкамі, выкліканымі кінастужкай.  Чакаем вас у госці на нашы наступныя кінапаказы.

                                                                               Нікуліна Дзіяна,

старшыня кінаклуба