НАВУКОВА-ДАСЛЕДЧАЯ РАБОТА СТУДЭНТАЎ КАФЕДРЫ ГІСТОРЫІ БЕЛАРУСІ, АРХЕАЛОГІІ І СПЕЦЫЯЛЬНЫХ ГІСТАРЫЧНЫХ ДЫСЦЫПЛІН
Студэнцкая навукова-даследчая група кафедры гісторыі Беларусі, археалогіі і спецыяльных гістарычных дысцыплін у складзе аспіранта кафедры Аляксандра Гаршкова, студэнта 1 курса спецыяльнасці “Гісторыі (археалогія)” Мікіты Каспера, метадыста Гродзенскага абласнога цэнтра турызму і краязнаўства Ягора Гацко правялі маніторынг стану помнікаў гісторыі і археалогіі на тэрыторыі Ваўкавыскага раёна.
Пад час археалагічнай разведкі была праведзена фотафіксацыя стану млына і гаспадарчага двара Патоцкіх у г.п. Рось, старажытных шахтаў каля г.п. Краснасельскі, праведзены паверхневыя зборы матэрыялаў на помніках археалогіі ў басейне р. Рось. Матэрыялы даследаванняў будуць выкарыстаны ў дзейнасці студэнцкага археалагічнага гуртка і актывізацыі навукова-даследчай работы студэнтаў, якія спецыялізуюцца на кафедры гісторыі Беларусі, археалогіі і СГД.
