На факультэце адбылася прэзентацыя манаграфіі беларускага гісторыка С.У. Данскіх
11 сакавіка для выкладчыкаў і студэнтаў-гісторыкаў адбылася прэзентацыя манаграфіі беларускага гісторыка С.У. Данскіх “Щучин. Локальная история в контексте региональных процессов”. Кніга С.У. Данскіх пра Шчучын, якую можна разглядаць этапнай ў шэрагу яго папярэдніх манаграфій, стала важкім дадаткам на паліцы гістарычных даследаванняў нашых гарадоў і мястэчак.
Эрудыцыя, бляскучы аналіз, цікавыя паралелі, якімі гісторык у сваёй прамове-лекцыі спалучыў мінуўшчыну і сучаснасць роднага горада з астатнім вакольным і далёкім светам, багацце статыстыкі і трапнасць асабовых характарыстык гістарычным постацей шчучынскай зямлі, зрабілі ход прэзентацыі захапляльнай падзеяй. Таму тым, хто патрапіў на гэтую лекцыю нашага дацэнта кафедры турызму і культурнай спадчыны, па-сапраўднаму, пашчасціла!
Хочацца спадзявацца, што заразлівая захопленасць аўтара кнігі перадасца новаму пакаленню будучых гісторыкаў, і ў агляднай будучыні мы будзем трымаць ужо даследаванні сённяшніх студэнтаў гістарычнага факультэта.