Студэнты нашага факультэта прынялі ўдзел у пазнавальнай вандроўцы
20 кастрычніка студэнты з 1,2,4 курсаў спецыльнасці "Турызм і гасціннасць" разам з дацэнтам кафедры турызму і культурнай спадчыны В. Карнелюком прынялі ўдзел у надзвычай пазнавальнай зборнай вандроўцы супрацоўнікаў гродзенскіх музеяў і спецыялістаў турызму па мясцінах Гродзенскай вобласці, звязаных з жахлівымі падзеямі фашысцкай акупацыі.
Экскурсанты наведалі мемарыялы ў Пузевічах, Княжаводцах, Шавулічах. Бляскучае апавяданне гісторыка Андрэя Вашкевіча дазволіла наблізіцца да тых трагічных дзён, калі жыхары згаданых вёсак былі цалкам знішчаны, а іх хаты спалены. Таксама, ход вандроўкі прайшоўся па мясцінах славутых сваімі касцёламі: Гнезна, Мсцібава, Шылавічы. Бесспрэчна, такая вандроўка - сапраўднае знаёмства са сваёй краінай. Трэба з удзячнасццю адзначыць, што вандроўка атрымалася пры падтрымцы студэнцкага прафкама ГрДУ.
