Знаёмства з Румлёўскім паркам - аб’ектам экатурызму
23 сакавіка студэнты 1 курса спецыяльнасці "Турызм і гасціннасць" разам з В.Р. Карнелюком пазнаёміліся з адзіным у Гродна помнікам прыроды - Румлёўскім паркам. Гісторыя і прыроднае багацце Румлёва, яго адметныя геаграфічныя рысы дазволілі першакурснікам павандраваць з ХІХ у ХХІ стагоддзе. Постаці Ігнація Ляхніцкага і Якава Румеля, Канстанціна Відацкага і Элізы Ажэшкі, ваенныя старонкі расійскай арміі і войска польскага, нямецкай акупацыі і савецкай арміі пакінулі свае крокі ў Румлёва. З усім гэтым і пазнаёміліся будучыя спецыялісты ў турызме. Дадзеная вандроўка - важны дадатак да лекцыйных і практычных заняткаў па курсу “Экалагічны турызм”.